Waxaa mar walbo ciyaartoyda somaida markii ay ciyaaraha kaga qeyb galayaan meel ka baxsan waddanka Somaliya waxa dhabarka loo saaraa guuldarooyin xanuun badan.
Somalida ayaa taasi caado waxay unoqotay markii aad tiraahdo maanta ayaa somaliya waxay la ciyaareysaa waddan hebel jawaabta ay bixinayaan ay tahay waxba keeni maayaan waa laga badinayaa Somalida.
Niyad xumada intaa la’eg waxyaabaha keenay ayaa warqabad24.com udhabo galay waxaana uu soo ogaaday in xulashada ciyaartoyda qaranka Somaliya ubaxeyso lagu qaado qaab beeleed (4.5) taayoo dad badan ka caroodeen.
Kadib ciyaar xiisaheedu badnaa bilowgii ciyaarta shalay galabna dhexmartay somalida iyo Burundi xulkeeda ayaa waxay somalidu islahaayeen natiijo wanaagsan bay xulkeena keeni doonaan hayeeshee ma dhicin.
Inkastoo guuldarada iyo guushu labadaba ciyaaraha laga fisho hadana waxaa lala leeyahay xulka qaranka Somalida way ka jilicsan yihiin jir ahaan ciyaaryahanada kale ee kulamada la ciyaaraan.
5-1 ayey burundeesku xulkeeda ku garaaceen waxaana arintaasi guuldarada ah si weyn uga xumaadeen mujtamada Somaliyeed meel walbo ay joogaan.
Wariye kusugnaa garoona Mandela Stadium ee magaalada Kampalla oo ahayd kulankii shalay meesha lagu ciyaaray ayaa soo sheegaya in somalida laga xoog weynaa ciyaar wanaag ay soo bandhigeen kadibna afka ciida loo daray.
Qaar ka mid ah dadka somaliyeed ayaa xiriirka somaliyeed ee Kubada cagta ku eedeeyey inay iyagu ku xulaan ciyaartoyda sadbursi iyo qaab beeleed taas oo la sheegay intay waxaas socdaana aan hormar lagaari doonin.
Afhayeenka Maamulka gobolka Banaadir Maxamed Yuusuf oo saxaafada la hadlay kadib guul daradii xulkeena Somalia ayaa sheegay in lagu dadaali doono si siman in gobollada dalka somaliya looga xuli doono ciyaaryahano waddanka matala.
Kubada cagta ayaa dadka daawada waxay ka aaminsan yihiin Somalidu inay yihiin kuwo ubaahan in jir ahaan laga dhiso si ay ula dagaalamaaan kubada ciyaaryahanada ay garoonka la galaan.
Xafiiska Wararka
Muqdisho-Somalia
E-mail:Warqabad24@gmail.com
