Banner.png

SOMALI LINKS

Banaanbaxii Ex luujino oo lasoo gaba-gabeeyey iyo Dadkii ku baaba’ay Qaraxii Shaamoow oo daqiiqado loo aamusay

Waxaa duhurnimadii maanta lasoo gaba-gabeeyey banaanbax lagu taageerayey hadalkii dhawaan kasoo baxay madaxweynaha Somalia Xasan Shiikh Maxamuud kaasi oo ahaa in dhamaanba la qaado isbaarooyinki yaallay isgoysyada muqdisho.

Banaanbaxa oo maanta ka dhacay garoonka Kubada Koleyga ee Ex luujino ayaa waxa ka qeyb galay madax katirsan Dawlada Somaliya,ururada bulshada rayidka iyo dadweyne ka kala yimid 17-ka degmo ee gobolka Banaadir.

Dibadbaxyaasha ayaa si cod dheer ah usheegay inay taageersan yihiin go’aankii madaxweynaha Somaliya uu ku qaatay in muqdisho laga tir tiro isbaarooyinkii lacagaha baada ahayd ee gaadiidka BL-ka looga qaadi jiray.

Wasiirka Wasaarada howlaha guud iyo guryenta Muxuyadiin Maxamed Kaalmooy oo halkaasi khudbad ka jeediyey ayaa wax lagu farxo ku tilmaamay in muqdisho laga waayey isbaarooyinkii uguna baaqay shacabka inay nabada ka shaqeeyaan si loola dagaalamo kooxaha nabad darada wada.

Gudoomiye kuxigeenka Dhinaca siyaasada gobolka Banaadir  Cali Axmed Guure ayaa sheegay inay tallaabadan ay tahay mid dawlada ay qaadey uguna baaqay shacabka iyo gaadiidleyda inay dhowraan wado marista muqdisho.

Gudoomiyaha Maamulka Degmada Dayniile Daahir Xasan Xuseen oo halkaasi isna khudbad ka jeediyey ayaa ugu baaqay darawalada gaadiidka inay qiimo dhimis ku sameeyaan lacagaha lagu raaco baabuurta Bl-ka ah.

Banaanbaxayaasha ayaa sidoo kale daqiiqad umurugooday dadkii maanta oo kale 3 December 2009 lagu xasuuqay hotelka Shaamow kuwaasi oo arday iyo mas’uuliyiin dawlada xaflad qalin jabin ahayd oo ay ka qeyb galayeen shabaabku qarax ismiidaamin ah ku fuliyeen.

Inkastoo Dibadbuxu ujeedkiisu ahaa hadalkii madaxweyne Xasan shiikh Maxamuud mid lagu taageerayey ee ahaa isbaarooyinkii la qaaday ayaa hadana waxaa lagu lifaaqay in loo istaago daqiiqadi dadkii ku baaba’ay qaraxi shaamoow ka dhacay 2009 maanta oo kale.

Xafiiska Wararka

Www.Warqabad24.com

Muqdisho-Somalia

E-mail:Warqabad24@gmail.com

Nagala Soo Xiriir Warqabad24@gmail.com

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

WARARKII