Banner.png

SOMALI LINKS

Maalinta Naafada Adduunka oo manta muqdisho laga Xusay iyo Xukuumada oo ballan qaad usameysay Naafada Somaliyeed

Munaasabad si heer sare ah loo soo agaasimay ayaa waxa manta lagu qabtay magaalada muqdisho taasi oo loogu dabaal dagayey maalinta Naafada Adduunka.

Xaflada ayaa waxa ka qeyb galay mas’uuliyiin katirsan dawlada Somaliya,qeybaha bulshada,golaha naafada qaranka somaluyeed iyo marti sharaf kale.

Agaasimaha Wasaarada Arimaha Bulshada Xukuumada Cusub ee Somalia Aweys Xadaad ayaa waxa uu sheegay inay wasaaradooda ku dadaalo doonto inay sidii fursado shaqo ay ugu abuuri lahaayeen naafada Somaliyeed.

Sidoo kale halkaasi waxaa khudbad dheer ka jeediyeyAgaasimaha Wasaarada Gaadiidka cirka,badda iyo dhulka Maxamed Cusmaan Cali (Dhagax-tuur) waxaana uu sheegay inay caalamka ka codsanayan caawimaada dadka naafada ah.

C/salaam Ibraahim Cabdulle oo ka mid ah shaqaalaha Xukuumada Somaliya ayaa isaguna halkaasi ka ballan qaaday inay sanadkaan qaadan doonaan 200 oo qofood naafo ah si ay ugu tababartaan fursado ay ku shaqeysan karaan.

“200 qofood oo Naafada Muqdisho ku dhaqan ayaan qaadan doonaa,waxaan aaminsanahay inay noqon doonto fursad qaali ah 15 jir ilaa 40 jir inta udhaxeyso ayaan qaadan doonaa ayuu yiri C/salaam ibraahim”.

Sidoo kale waxaa munaasabada ka hadashay Hooyo da’ ah oo lagu magacaabo Faadumo Yuusuf waxaana ay ka mid ahayd naafadii manta lagu casuumay xaflada sheegtayna inay ubaahan yihiin gar gaar in lagaarsiiyo.

Maanta oo kale 3 December waxaa caalamka loo dabaal dagaa Maalinta Naafada Adduunka waxaana dad badan oo naafo ah ay ku dhibaateysan yihiin magaalada muqdisho ee Caasimada Somalia.

Xafiiska wararka

Www.Warqabad24.com

Muqdisho-Somalia

E-mail:Warqabad24@gmail.com

Nagala Soo Xiriir Warqabad24@gmail.com

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

WARARKII