Banner.png

SOMALI LINKS

Xildhibaankii xalay ku dhaawacmay qaraxii Nairobi oo qaliin lagu sameeyey iyo Somali badan oo Xabsiga loo taxaabay (AKHRISO)

Iyadoo qarax aad uxooganaa uu xalay ka dhacay magaalada Nairobi ee xarunta dalka Kenya ayaa waxa iminka soo baxaya faah faahino ku aadan khasaaraha ka dhashay qaraxaasi iyo kadib howlgalo la sameeyey.

Qaraxa ayaa waxa la sheegay inuu ka dhacay afaafka hore ee masaajidka Al hidaaya ee kuyaalla Wadada Jaam Street ee kuyaalla magaalada Nairobi waxaana dadkii dhaawacmay badi ay yihiin kuwo helay adeeg caafimaad.

Xildhibaanka laga soo doorto degmada Kamakunji Yuusuf Xasan Cabdi (Indha-gamuun) ayaa waxa la sheegay in qaliin lagu sameeyey kaasi oo firiro ku jiray laga soo bixiyey.

Ehelada Yuusuf Xasan ayaa waxay Warqabad24.com usheegeen in xaalada Mudanahan Baarlamaanka Kenya katirsan ay iminka wanaagsan tahay qaliin lagu sameeyeyna lagu guuleystay.

Dhaawaca xildhibaanka marka laga soo tago waxaa kaloo jira dad kor udhaafaya 14 qofood oo iyana ku dhaawacmay qaraxii xalay waxaana badi dadka loo sameyey xaalado caafimaad kuwii darnaa ayaa la dhigay cusbitaalka kuwii yara fiicnaa ayaa iyaguna dib loo celiyey adeega markii loo fidiyey.

Dhinaca kale Howlgalo ballaaran oo ciidamada Amaanka kenya ka sameeyeen Xaafada Islii ayey gacanta waxay kusoo dhigeen dad lala xiriirinayo qaraxii xalay ka dhacay magaalada Nairobi ee dalka Kenya.

In kabadan 100 qofood oo somali ah ayey shan saacadood gudahood howlgalka ku qabteen iyagoona xabsiga utaxaabay kuwaasi oo lagu tuhmay ku lug lahaanshaha qaraxii xalay ka dhacay afaafka hore ee masjidka Al hidaaya.

Wali howlgalada waa kuwo ka socda magaalada Nairobi gaar ahaan xaafada Islii waxaana hakad ku jira goobihi ganacsi ee kuyaallay agagaarka goobtii xalay qaraxa uu ka dhacay ee wadada jaam street.

Wixii kasoo kordho insha allah dib kala soco Www.Warqabad24.com

Xafiiska Wararka

Www.Warqabad24.com

Muqdisho-Somalia

E-mail:Warqabad24@gmail.com

Nagala Soo Xiriir Warqabad24@gmail.com

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

WARARKII